خروجات الأسبوع: حفل غنائى وثلاثة مهرجانات موسيقية

تزامنًا مع إجازة عيد الأضحى اللي هتبدأ بنهاية الأسبوع، هنلاقي إن  الأحداث الثقافية بتقِل، نظرًا لاستعداد الناس للعيد، أو لظروف السفر في الإجازة. ولإن كمان دور السينما في العيد مش هيكون فيها أفلام مهمة.. عشان كده اختارنالكم حدثين مناسبين مع ظروف السفر والحر والإجازة في العيد، وكمان قدامكم فرصة النهارده تحضروا في القاهرة عرض ممكن يساعدكم تدخلوا على العيد مبسوطين.

ب هـ جـ جـ ة – الأحد 20 سبتمبر

صفحة العرض على فيسبوك بتوضح إنه هيكون غنائى وهيتضمن كمان مونولوجات ومواويل كلها باللغة العربية. والتحضير للعرض ده استغرق أكتر من شهرين من خلال ورشة عمل ضمت عدد كبير من المغنيين والشعراء. العرض بسيط وهيقوم عدد من الأصدقاء من خلاله باطلاق العنان لمواهبهم المختلفة.

العرض اللي هيقام على  مسرح روابط هيبدأ الساعة 8 مساءً، ودخوله بتذكرة/ كارت تذكاري الحد الأدنى ليها 25 جنيه، وممكن تدفع فيها أكتر لو حبيت تدعم المشروع بشكل أكبر.

مهرجانان للموسيقى فى نويبع – من الخميس حتى السبت 24-26 سبتمبر

فى العيد، هتستقبل سيناء مهرجانين للموسيقى فى نفس الوقت، زي ما حصل في شم النسيم اللي فات، مع مهرجاني"أشطورة" و"ع الجنوب"حدث وقت على الجنوب و اشطورة

فى نسخته الثالثة، مهرجان كلاود 9 هيرجع رواده تاني لأحد الشواطئ الخلابة في سيناء، فى كامب الدايرة.

برنامج المهرجان فيه تنوع كبير، بداية من الباند المصري Telepoetic، و"زائد ناقص" من الأردن، وندى الشاذلى، و Object Obscure و غيرهم.

غير الموسيقى، المهرجان هيبقى فيه رياضات وأنشطة كتير: يوجا، وكابويرا، و tiedye، وأوريجامى، وركوب عجل وتنظيف الشاطئ.

السنة اللي فاتت، صحفية "مدى مصر" حبيبة عفت، غطت النسخة الثانية من المهرجان، ورغم وجود مشكلات تنظيمية بسيطة، لكن حبيبة كتبت: "المهرجان عبارة عن شرارة من الحرية والإثارة الموسيقية اللى لا يمكن الحصول عليها فى القاهرة".

تذكرة المهرجان هتغطي الأيام الثلاثة، وفي تنوع في الأسعار: تذكرة للمهرجان كله 1250 جنيه شاملة مكان في خيمة والإفطار لمدة 3 أيام، وتذكرة بـ 1100 جنيه، شاملة الإفطار، وهيوفرولك مكان تحط خيمتك، وتذكرة بـ900 جنيه فقط لكن خيمتك عليك. ولمعلومات أكتر  زوروا صفحة المهرجان لمزيد من المعلومات.

أما كامب المعجنة فى نويبع، اللي نظّم كلاود 9 السنة اللي فاتت، فهينظم مهرجانه الخاص السنة دي. اللي برنامجه هيبقى فيه عدد فرق موسيقية أقل، لكن سعر الإقامة هيكون أقل بكثير (100 جنيه لليلة) وهيستمر المهرجان ليومين، بدايتهم مساء الخميس مع فرقة HOH  اللى بتضم مغتي فرقة وسط البلد والممثل هانى عادل، ومن فرقة مسار إجباري الليد فوكال هانى الدقاق، والدرامر أوسو. ويوم الجمعة هيلعب آبو وسناري، وإسلام الشاعرى وشادى أحمد.

المهرجان فرصة حلوة لمحبى الهدوء والموسيقى اللايف. ودي صفحتهم على الفيسبوك.   

موسيقى راقصة فى بلور فيست – الخميس والجمعة  24-25 سبتمبر

في الوقت نفسه، فى سهل حشيش قُرب الغردقة، هيكون في مهرجان موسيقى راقصة اسمه بلور فيست، هيلعب فيه 15 DJ من مصر والعالم. هينظم المهرجان بلور انترتينمنت، وهيستمر يومين ويتضمن عروض موسيقية وراقصة، وعروض فيديو على الهواء.

العروض الرئيسية في المهرجان هيبقى فيها الدي جيهات الإسبان Marc Maya، و Toni ،Varga وDe La Swing. والدويتو الألماني Booka Shade، والدويتو الأمريكي Soul Clap، والاتنين بيزوروا مصر لأول مرة. ومن مصر هيكون في عروض لـ أبو سمرة، وحافظ، وعلي B.

التذاكر  أسعارها من 800 لـ 1500، وللحجز والإقامة ممكن تكلم 01000597984 أو 01000597491 أو 01021061575. لكن محتاج تكون عضو في جروب الفيسبوك الخاص بتاعهم عشان تقدر تشتري تذكرة.